蟲草花螺頭湯

又到許太求其煲湯時間，

都係果句，

蓮子又好百合又好，

淮山又好南北杏又好，

都是不寒不燥的煲湯料，隨意就好。

上次煲了茶樹菇 / 猴頭菇，今次就煲蟲草花，

喜歡的兩樣一齊煲都無問題。

雪櫃常備乾螺頭或/和乾螺片，

我買的只是價X棧的平價貨色。

因有海味記得加片大薑，

（有豆類就加片陳皮）

然後加西施骨/豬𦟌，

紅蘿蔔粟米/合掌瓜。

清甜滋潤。

煲湯就係咁簡單。