焗釀茄子@光波爐

又到星期六煮飯日，今晚有十四人食飯，要給各類煮食爐分配工作。
記得以前在碧桂園吃過一味鐵板燒茄子，好好味但好多油，今晚就用光波爐做一個少油的啦。

材料：茄子兩大條、鯪魚肉、李錦記照燒雞翼醬

做法：

李錦記照燒雞翼醬加半杯水煮滾
茄子打長劏開但不要切斷，兩邊茄子皮上搽少少油
倒一些雞翼醬在茄子中間，然後釀入鯪魚肉，再把餘下的醬汁淋在魚肉上
用錫紙把全隻茄子包好，放入爐用180度焗20分鐘即成

食完飯班友仔仲未想走，食完生果仲問我有無甜品！無喎，即刻做糯米滋吧。細佬最為食，立即落街買麥提沙。
人多好做作，眨下眼就包完（後來亦都眨下眼就食完），許小姐和表妹表弟猛話好玩，不過他們的製成品無QC，好食唔好睇呢。