潮州糖水，買到清心丸就可以煲了。
九龍城衙前塱道有幾間專賣潮州食品的店鋪都有得賣。
買回來可放雪櫃幾天，但記得放一兩張厚紙巾在面，
防止倒汗水。
買唔到呢？自己製吧。
材料：
清心丸 半斤
開邊綠豆 半斤
清水 6杯
冰糖 適量
（↑以上是基本材料，↓下面的全部可選）
白果 1包
新鮮百合 1包
馬蹄 適量
薑薯 適量
熟雞蛋 適量
做法：
- 清心丸略沖水
- 綠豆沖洗幾次，直至水變得清徹；白果沖洗
- 煲大煲水（份量外），滾後加綠豆和白果，再滾起後加蓋熄火，焗15分鐘，瀝水備用
- 新鮮百合撕開一瓣一瓣，洗淨；馬蹄去皮拍碎，浸水；薑薯去皮刨薄片，浸水
- 煲滾6杯水，加清心丸和冰糖，加入喜歡的材料，煮至清心丸透明即可（薑薯最後加：滾起，加薑薯，熄火）
- 若想更有潮洲風味，煮好後可加少許甜橙羔，一碗加小半茶匙就夠了
